Bıyl Balqash qalasynda 10 mektep jóndeledi

BALQASh. QazAqparat – Maýsym aıynan bastap Balqashta 10 mektepte jóndeý jumystaryna kiristi. Eki oqý ornynda kúrdeli jóndeý jasalatyn bolsa, qalǵanynda shatyr, qasbet jáne qubyrlar aýystyrylady, dep habarlaıdy QazAqparat tilshisi.

Bıyl Sáken Seıfýllın atyndaǵy № 7 mektep-gımnazııasy kúrdeli jóndeýden ótedi.

Qalǵandarynda jeliler, shatyr, qasbet qalypqa keledi.

Sonymen qatar № 8, 1 orta mektepterinde qorshaý jóndeledi.

Ál-Farabı atyndaǵy № 16 mektep pen Abaı atyndaǵy № 2 mektep-lıtseıdiń shatyry retke keledi. Sońǵysynda sonymen qatar qasbet jańartylady.

Kópbalaly jáne az qamtylǵan otbasylardan shyqqan oqýshylarǵa arnalǵan mektep-ınternatta 1-qabat jóndeledi.

M. Rýsakov atyndaǵy mektep-ınternattaǵy ashana jańartylady.

№ 4 orta mektepte sýyq jáne ystyq sýmen jabdyqtaý, al úshinshi mektepte jylytý júıesi jóndeledi. Y. Altynsarın atyndaǵy № 25 mektepte elektr jelileri jóndeledi.

«Qazirgi ýaqytta barlyq sharttar jasaldy. Jumys kestesi daıyn. Jóndeý jumystary shilde aıynyń sońyna deıin aıaqtalýy tıis», – deıdi Balqash qalasy bilim bóliminiń bas býhgalteri Olga Býbnova.