Bıyl Azyq-túlik kelisim shart korporatsııasy 400 myń tonna ónim eksporttady
ASTANA. QazAqparat - Azyq-túlik kelisim shart korporatsııasy 400 myń tonna dándi jáne maıly daqyl eksporttady, dep habarlaıdy QazAqparat.
«2018 jyldyń 11 aıy ishinde Azyq-túlik kelisim shart korporatsııasy» UK» AQ taıaý jáne alys shet memleketterge 401,6 myń tonna maıly jáne dándi daqyl eksporttady», - delingen kompanııanyń baspasóz qyzmeti taratqan habarlamada.
Azyq-túlik kelisim shart korporatsııasy ókilderi naqtylaǵandaı, Kúngeı Kavkaz elderine 145,1 myń tonna astyq; Orta Azııaǵa 126,4 myń tonna astyq; Iranǵa 110,6 myń tonna arpa; Kytaıǵa 19 myń tonna astyq jáne 417,2 tonna kúnbaǵys maıy jetkizildi.
2017 jyly kompanııa 120 myń tonnadan astam dándi jáne maıly daqyl eksporttady.
Ulttyq kompanııa ókilderiniń málimetine súıensek, bıyl eksport kólemi maýsym aralyq kezeńde ınterventsııalyq qordan astyqtyń satylýyna jáne bıdaıdyń Túrkimenstanǵa jáne Kúngeı Kavkaz elderine jetkizilýi qaıta jandanýyna baılanysty ulǵaıdy.
«Aq Bıdaı - Termınaly» AQ (Azyq-túlik kelisim shart korporatsııasy» UK» AQ enshiles kompanııasy) bıylǵy 11 aı ishindegi jumysynyń qorytyndysy boıynsha Aqtaý qalasyndaǵy porttyń astyq termınaly arqyly 712,9 myń tonna astyq tasymaldanǵan. 2017 jyldyń sáıkes merzimindegi kórsetkish boıynsha 400 myń tonna astyq eksporttaldy.
«Bıylǵy jyly kórsetkish dándi daqyl eksportynyń artýyna baılanysty ulǵaıdy. Astyqty tasymaldaýda Kaspıı óńirindegi negizgi baǵyt - Iran Islam Respýblıkasy», - dep atap ótti Azyq-túlik kelisim shart korporatsııasy ókilderi.
Sonymen birge, joǵary kórsetkishterge jaǵymdy tabıǵı-klımattyq jaǵdaılar (jeldiń jáne jaýyn-shashynnyń bolmaýy), Aqtaý qalasynyń teńiz portyndaǵy bos syıymdylyqtardyń bolýy jáne astyq tasymaldaıtyn vagondardy ornalastyratyn qosymsha oryndar esebinen qol jetkizildi.
«Astyq qoımalary» astyq bazalary («Azyq-túlik kelisim shart korporatsııasy» UK» AQ enshiles kompanııasy) 300 myń tonnadan astam dándi jáne maıly daqyl qabyldady. 2018 jyldyń qańtar-qazan aılarynda jergilikti astyq bazalarynda 311,2 myń tonna astyq jáne maıly daqyl qabyldandy: 304,4 myń tonna astyq jáne 6,8 myń tonna maıly daqyl. Bul kórsetkish ótken jyldyń sáıkes merziminde 330 myń tonna astyqty qurady.
Atap ótken jón, «Azyq-túlik kelisim shart korporatsııasy» ulttyq kompanııasy» AQ negizgi qyzmeti - eldiń azyq-túlik qaýipsizdigin qamtamasyz etýge qatysý, ishki astyq naryǵyn turaqtandyrýǵa jáne eksportty damytýǵa járdemdesý. Kompanııanyń jalǵyz aktsıoneri «QazAgro» ulttyq basqarýshy holdıngi bolyp tabylady.
