Bıyl azamattyq bastamalarǵa 3 mlrd teńge bólingen
NUR-SULTAN. QazAqparat - Azamattyq bastamalardy qoldaý ortalyǵy arqyly júzege asatyn jobalarǵa 3 mlrd teńgege jýyq qarjy bólinip otyr, dep habarlaıdy QazAqparat tilshisi.
Bul týraly Azamattyq bastamalardy qoldaý ortalyǵynyń atqarýshy dırektory Shyryn Tilenshıeva QR Prezıdenti janyndaǵy ortalyq kommýnıkatsııalar qyzmetinde ótken brıfıngte aıtty.
«Jastar kadrlyq rezervi» jobasy bıyl bizdiń ortalyqtyń qarjylyq granty arqyly júzege aspaq. Ózim de kezinde osy joba arqyly úlken ómirge joldama alǵanmyn. Jalpy bıyl Azamattyq bastamalardy qoldaý ortalyǵy Qazaqstan boıynsha 108 áleýmettik jobany júzege asyryp jatyr. Onyń jalpy qarajat qory 3 mlrd teńgege jýyq. Qazirdiń ózinde 16 jobanyń nátıjesi belgili boldy. ıAǵnı, 15 úkimettik emes uıym jıyny 450 mln teńgeniń jobasyn qolǵa alatyn bolady», - dedi Shyryn Tilenshıeva.
Brıfıng barysynda «Jastar kadrlyq rezervinen» túlep shyqqan Evgenıı Kochetov ta óz tájirıbesimen bólisti. «Nur Otan» partııasyna qarasty Taldaý, boljaý jáne strategııalyq bastamalar ınstıtýty dırektorynyń orynbasary atalmysh joba kimderge kóbirek qajet ekenin aıtty.
«Bul – táýelsizdik jyldaryndaǵy men biletin eń sátti qoldanbaly joba. 2009 jyly men de alǵashqylardyń biri bolyp shákirt atanǵanmyn. Óziniń kásibı baǵdaryn áli tappaı júrgen jastarǵa osy jobaǵa qatysýǵa keńes berer edim. Jastyq albyrttyqty sarapty kózqarasqa aınaldyratyn orta bul. Sondaı-aq, kásibin ózgertkisi kelse de, soǵan batyly barmaı júrgenderge de osy jobada baǵyn synap kórýge keńes beremin. Bul joba bastaǵy artyq-aýys oılardy tazartyp beredi», - dedi ol.
Atalmysh jobanyń taǵy bir túlegi Japal Dolıev aǵa-kókesiz qala «óskenin» aıtyp bergen bolatyn.
