Bıyl avtojol qurylysy salasynda 8 joba boıynsha jumystar jalǵasady
ASTANA. QazAqparat - Bıyl Qazaqstanda avtojol qurylysy salasynda 8 joba boıynsha jumystar jalǵasady. Bul týraly búgin Úkimet otyrysynda «QR Investıtsııalar jáne damý mınıstri Áset Isekeshev málim etti.
«2015 jyly jumys 8 joba boıynsha júrgizildi. Jol-qurylys jumystarymen 2 myń shaqyrym jol jáne 72 myń adam jumyspen qamtyldy. Jalpy 2015 jylǵy qorytyndysy boıynsha 456 km jol salynǵan jáne jańartylǵan»,-dedi mınıstr.
Onyń sózine qaraǵanda, bıyl atalǵan 8 joba aıasyndaǵy qurylys jumystary jalǵasýda.
«Jyl qorytyndysy boıynsha 900 shaqyrymǵa jýyq joldaǵy jumystardy aıaqtaý josparlanýda»,-dedi Á. Isekeshev.
Belgili bolǵandaı, 2015 jyly avtojol jobasynyń iske asyrý aıasynda 292 mlrd.teńge ıgerildi, onyń ishinde Ultyq qordan - 178 mlrd.teńge baǵyttaldy.
