Bıyl aýyl sharýashylyq daqyldary 21,8 mln. gektarǵa egiledi - A. Mamytbekov

ASTANA. QazAqparat - Bıyl aýyl sharýashylyq daqyldary 21,8 mln. gektarǵa egiledi dep josparlanýda. Bul týraly búgin Ortalyq kommýnıkatsııalar qyzmetinde ótken brıfıng barysynda QR Aýyl sharýashylyǵy mınıstri Asyljan Mamytbekov málim etti.

"Búgingi jaǵdaı boıynsha, jazdyq dándi-daqyldardy egý 9244,9 ga nemese josparlanaǵannyń 61,9 paıyz alqapta júrgizildi. Jalpy ústimizdegi jyly aýyl sharýashylyǵy daqyldaryn 21,8 mln. ga egý josparlanǵan", - dedi mınıstr.

Onyń aıtýynsha, ońtústik aımaqtarda júgeri men kúrishten basqa jazǵy dándi daqyldardy sebý aıaqtaldy, batys pen shyǵysta óńirlerdiń oblystarynda josparlanǵannyń 79 paıyz shamasynda júrgizildi.