Bıyl aýyl sharýashylyǵy sektoryn sýbsıdııalaý 47,8 mlrd. teńgeni quraıdy - Ó. Shókeev
ASTANA. Naýryzdyń 9-y. QazAqparat /Qanat Mámetqazyuly/ - Aǵymdaǵy jyly aýyl sharýashylyǵy sektoryn respýblıkalyq bıýdjetten sýbsıdııalaý mólsheri 47,8 mlrd. teńgeni quraıtyn bolady. Búgin QR Parlamenti Senatynda ótken «Óńir» depýtattyq tobynyń otyrysynda QR Premer-Mınıstriniń birinshi orynbasary Ómirzaq Shókeev osylaı málim etti,
dep habarlaıdy QazAqparat.
«Aǵymdaǵy jyldyń naqtylanǵan bıýdjetinde agroónerkásip keshenin qosymsha qarjylandyrýǵa 300 mlrd. teńge usynylyp otyr. Atap aıtqanda, 2010 jyly kúrish pen júgeriden basqa astyq daqyldaryn ósirýdegi sýbsıdııa mólsheri bir gektaryna 670 teńge mólsherinde anyqtalyp otyr. Maıly daqyldar men qant qyzylshasyn ósirý úshin sýbsıdııalaýdyń jańa tetikteri bekitildi. Bundaı sýbsıdııalaý saralanǵan, eki satyly tólemder boıynsha jasalady. Birinshisi, tuqymnyń egilý alańyna qaraı, ekinshisi jınap-ótkizilgen ónimniń salmaǵyna baılanysty belgilenedi», dedi Ó. Shókeev.
Onyń aıtýynsha, aǵymdaǵy jyly mal sharýashylyǵynda asyl tuqymdy mal basyn damytýǵa 2,5 mlrd. teńge bólý kózdelgen. Bul qarajat negizinen ónimdilikti arttyrýǵa, mal sharýashylyǵy ónimderiniń sapasyn jaqsartýǵa, sondaı-aq teri óńdeý salasyna jumsalatyn bolady.
«Jalpy, aǵymdaǵy jyly aýyl sharýashylyǵy sektoryn respýblıkalyq bıýdjetten sýbsıdııalaý 47,8 mlrd. teńgeni quraıtyn bolady», dedi Ó. Shókeev.
