Bıyl aýyl sharýashylyǵy ósimi 12 paıyzdy quraıdy
ASTANA. 11 qazan. QazAqparat - 18,5 mln. tonna kóleminde jınalatyn astyq aýyl sharýashylyǵynyń ósimin 12 paıyzǵa qamtamasyz etedi. Bul týraly búgin Aqordada Elbasy Nursultan Nazarbaevtyń tóraǵalyǵymen Qazaqstannyń áleýmettik-ekonomıkalyq damýyna arnalǵan Úkimettiń keńeıtilgen otyrysynda QR Ekonomıka jáne bıýdjettik josparlaý mınıstri Erbolat Dosaev málim etti
«Boljam boıynsha 18,5 mln. tonna kólemindegi astyqtyń jalpy jıyntyǵy 2012 jylmen salystyrǵanda bıylǵy jyly aýyl sharýashylyǵyndaǵy ósim kólemin kem degende 12 paıyzǵa qamtamasyz etedi», - dedi E. Dosaev.
Onyń sózine qaraǵanda, bıylǵy 9 aıdaǵy ónerkásip salasyndaǵy ósim 2,1 paıyzdy, taý-ken óndirý ónerkásibindegi ósim 3 paıyzdy qurady. Al, qaıta óńdeý ónekásibindegi óndiris 1,2 paıyzǵa artty.
