Bıyl aýyl sharýashylyǵy ónimderin forvard satyp alýǵa qarajat 2 ese kóp bólindi
«Azyq-túlik kelisimshart korporatsııasy aýyl sharýashylyǵy ónimderin forvardty satyp alýdy júzege asyrady. Eger osy maqsatqa byltyrǵy jyly 24,5 mlrd tenge bólingen bolsa, bıylǵy jyly josparlanyp otyrǵan satyp alý somasy 45,3 mlrd teńgeni quraıdy, nemese byltyrǵyǵa qaraǵanda shamamen 2 ese kóp. Búgingi tańda 14,3 mlrd. teńge somasyna 74 aýyl sharýashylyǵy taýaryn óndirýshi qarjylandyryldy», - dedi ol.
Mınıstrdiń aıtýynsha, bıyl forvard satyp alý aıasynda satyp alynatyn ónimder tizbesindegi aýyl sharýashylyǵy daqyldary 4-ten 9-ǵa deıin keńeıtilgen.
«Máselen, áleýmettik mańyzy bar azyq-túlik taýarlaryn óndirý jáne azyqtyq bazany nyǵaıtý úshin bıdaı jáne arpamen birge, qaraqumyqqa, kúnbaǵysqa jáne basqa da maıly daqyldarǵa kelisimsharttar jasalatyn bolady. Osyǵan baılanysty, oblystar ákimdikterinen ótinimderdi Úılestirý keńesteri qaraǵan kezde oblystar bólinisinde áleýmettik mańyzy bar aýyl sharýashylyǵy daqyldaryn satyp alý boıynsha aldyn ala bólýdi eskerýdi suraımyz», - dedi Saparhan Omarov.
