Bıyl aýyl sharýashylyǵy daqyldary 22,8 mln gektar jerge egiledi
«Mınıstrlik Memleket basshysynyń tapsyrmalaryn oryndaý úshin egistik alańdaryn ártaraptandyrý jáne rentabeldiligi joǵary daqyldardy óndirýge kóshý jumysyn jalǵastyrýda. Máselen, 2021 jyly aýyl sharýashylyǵy daqyldaryn 22,8 mln gektar jerge egý josparlanýda. Bul 2020 jylǵy qaraǵanda 186,6 myń gektarǵa kóp. Onyń ishinde dándi jáne dándi-burshaqty daqyldardy 15,8 mln gektar alańǵa egý josparlanyp otyr. Maıly daqyldardyń boljamdy alańy 3 mln gektardy quraıdy. Bul ótken jylǵy deńgeıden 63 myń gektarǵa artyq. Azyqtyq daqyldar 3,4 mln gektar bolady. Bul ótken jylǵa qaraǵanda 114,5 myń gektarǵa kóp», - dedi ol.
Mınıstrdiń atap ótýinshe, kókónis, baqsha daqyldary 16 myń gektarǵa artyq egilip, aýmaǵy 280 myń gektarǵa jetkiziledi.
«Osy jyldyń 10 naýryzynda oblys ákimdikteri jáne qarjy ınstıtýttarynyń qatysýymen kóktemgi dala jumystaryn júrgizýge daıyndyq máseleleri jónindegi keńes ótkizildi. Onda jergilikti atqarýshy organdardyń áleýmettik mańyzy bar daqyldar alańdaryn ulǵaıtý máselesine jete kóńil bólmeı otyrǵany atalyp ótildi. Keńes qorytyndysy boıynsha oblystyq ákimdikterge qaraqumyq, kartop alańdaryn ulǵaıtý qajettiligi týraly habarlamalar jiberildi. Máselen, jergilikti atqarýshy organdardyń qaraqumyqtyq buryn josparlanǵan alańyn 89 myń gektardyń ornyna 103 myń gektarǵa deıin, kartopty 197 myń gektardyń ornyna 209 gektarǵa deıin keńeıtý usynyldy», - dedi Saparhan Omarov.