Bıyl «Aýyl – el besigi» jobasyna 198 mlrd teńge bólindi – Smaıylov
«Aýyl – el besigi» jobasyn qarjylandyrý jyl saıyn ulǵaıyp keledi. Sońǵy 3 jylda osy maqsatqa respýblıkalyq bıýdjetten 326 mlrd teńge bólingen bolatyn. Áleýmettik jáne ınjenerlik ınfraqurylymdy damytý boıynsha 3,7 myńnan astam joba 1 myńnan astam aýylda iske asyryldy. 33 myń jumys orny quryldy. Bıyl respýblıkalyq bıýdjetten 198 mlrd teńge bólindi. 800 eldi mekende shamamen 2 myń joba iske asyrylady. Bólingen qarjyny ıgerý qarqyny Pavlodar, Aqtóbe jáne Qyzylorda oblystarynda jaqsy», - dedi Álıhan Smaıylov Úkimet otyrysynda.
Úkimet basshysynyń málimetinshe, Almaty jáne Ulytaý oblystarynda qarjy ıgerý deńgeıi tómen.
«Bıýdjet qarajatyn tıimsiz josparlaý jáne paıdalaný, tenderlerdi ýaqytynda ótkizbeý, tıisti baqylaýdyń bolmaýy obektilerdi engizý merzimderiniń buzylýyna ákeledi», - deıdi ol.
