Bıyl Aýǵanstanda esirtki rekordtyq deńgeıde óndirilgen
ASTANA. QazAqparat - 2017 jyly Aýǵanstanda apıyndy kóknár óndirisi rekordtyq deńgeıge jetken, dep habarlaıdy Anadoly .
Aýǵanstannyń esirtkimen kúres mınıstriniń orynbasary Ahmad Djavıd Kaım agenttikke bergen suhbatynda nashanyń Aýǵanstanǵa ǵana emes kúlli álemge qaýip tóndirip otyrǵandyǵyn aıtyp berdi.
«Aýǵanstanda apıyndy kóknár óndirisiniń ósýine álem boıynsha ony tutyný suranysynyń ósýi, qarjylyq jáne tehnıkalyq qoldaýdyń jetispeýi, jaýapty tulǵalar jumystarynyń nashar uıymdastyrylýy, narkomafııanyń oppozıtsııalyq toptarmen ymyralasý faktorlary sebep bolyp otyr», - dedi Kaım.
Mınıstr orynbasarynyń sózine qaraǵanda, 2017 jyly eldegi apıyndy kóknár óndirisi rekordtyq kórsetkishke jetken.
«Esirtkimen kúreste barlyq elder tize qosyp kúresý qajet, áıtpese narkoterrorızm kúlli álemge qaýip týdyrmaq», - dep atap ótti aýǵan ókili.
