Bıyl aýa raıynyń jaǵdaıy qalaı qalyptassa da, elimizdiń azyq-túlik qaýipsizdigi qamtamasyz etilgen - Úkimet basshysy
ASTANA. Maýsymnyń 21-i. QazAqparat /Ernur Aqanbaı / - Bıyl aýa raıynyń jaǵdaıy qalaı qalyptassa da, elimizdiń azyq-túlik qaýipsizdigi qamtamasyz etilgen.
Bul týraly búgin Parlament palatalarynyń birlesken otyrysynda Premer-Mınıstr Kárim Másimov málim etti.
«Ókinishke qaraı qazir aýa raıy ystyq bolyp tur. Sondyqtan da biz astyqtyń shyǵymyna yqpal ete almaımyz. Ázirge barlyǵy kúıip jatyr. Bul jyldyń astyǵynyń qalaı bolatyny kóp jaǵdaıda aýa raıyna baılanysty. Deıturǵanmen barlyq óńir egindi jaqsy ekti. Egis naýqanyn janar-jaǵarmaımen qamtamasyz etýde eshqandaı problema bolǵan joq, bári jetkilikti boldy. Munaı jáne gaz mınıstrligi bıyl barlyǵyn jaqsy rettedi. Elimizdegi elevatorlarda astyq jetkilikti. Bıyl aýa raıynyń jaǵdaıy qalaı qalyptassa da, men elimizdiń azyq-túlik qaýipsizdigi qamtamasyz etilgenin nyq senimmen aıta alamyn», dedi Premer-Mınıstr otyrysta.
