Bıyl Atyraýǵa Reseıden koronavırýs juqtyrǵan 52 qazaqstandyq kelgen

ATYRAÝ. QazAqparat – Bıyl «Atyraý-Reseı Federatsııasy» memlekettik shekarasyndaǵy «Qurmanǵazy» sanıtarlyq-karantındik beketi arqyly 52 qazaqstandyqtan el aýmaǵyna koronavırýs ınfektsııasyn juqtyryp kelgen, dep habarlaıdy QazAqparat.

Oblystyq sanıtarlyq-epıdemıologııalyq baqylaý departamentiniń baspasóz qyzmeti taratqan aqparatqa qaraǵanda, «Qurmanǵazy» sanıtarlyq-karantındik beketi 2020 jylǵy 5 naýryzda beri jumys isteıdi. Munda «Qurmanǵazy» avtoótkeli arqyly el aýmaǵyna ótken azamattarǵa kún saıyn monıtorıng júrgizilip otyr.

«Byltyr atalǵan beketten 46 466 adam, onyń ishinde 6 334 jolaýshy, 40 132 júrgizýshi ótti. Onyń ishinde PTR-test ádisimen 14 adamnan (8 jolaýshy, 6 júrgizýshi) koronavırýs ınfektsııasynyń oń nátıje anyqtaldy. Al, bıylǵy qańtardan beri el aýmaǵyna 49 155 adam, onyń ishinde 8324 jaıaý júrginshi, 40831 júrgizýshi keldi. Anyqtamasy joq sheteldiń 148 azamatyna shekaradan ótýge tyıym salyndy. Sondaı-aq, anyqtamasyz kelgen 3 233 Qazaqstan azamatyna COVID-19 ınfektsııasyna qarsy PTR-testileý júrgizildi. Onyń nátıjesinde 52 azamattan (49 júrgizýshi, 3 jolaýshy) qaýipti vırýstyń belgisi tabylody» -dep habarlady departamenttiń baspasóz qyzmeti.

Eske sala ketelik, buǵan deıin Atyraýǵa Reseıden kelgen 54 qazaqstandyqtan koronavırýs anyqtalǵanyn jazǵan edik.