Bıyl Atyraý oblysynyń bıýdjetine 59 mlrd teńge túspeýi múmkin

ATYRAÝ. QazAqparat – Munaı baǵasynyń tómendeýine baılanysty Atyraý oblysynyń bıýdjetine 59 mlrd teńge túspeýi múmkin, dep habarlaıdy QazAqparat.

Atyraý oblystyq kirister departamenti basshysynyń mindetin atqarýshy Erlan Saǵynaevtyń málimetinshe, bıylǵy tórt aıda el bıýdjetine aýdarylǵan túsim 448 mlrd teńgeni quraǵan. Sóıtip, jospardaǵydan 15,8 mlrd teńge artyq túsim túsken.

«Al, jergilikti bıýdjetke túsimniń ósim kólemi 33,4 mlrd teńgege jetti. Jyl basynan beri jergilikti bıýdjetke túsken túsim 134,8 mlrd teńgeni qurady» -dedi Erlan Saǵynaev.

Munaıly óńir bıýdjetiniń negizgi bóligin munaı-gaz sektory quraıdy. Qazirgi shıkizat baǵasynyń túsýi bıýdjet túsimderiniń kemýine áser etedi. Sonyń saldarynan bıýdjetke 59 mlrd teńge túspeýi múmkin.

Degenmen, ótken jyldyń osy kezeńimen salystyrǵanda jergilikti bıýdjetti 1 mlrd teńgege deıin ulǵaıtý múmkin bolyp otyr.