Bıyl Atyraý oblysynda 75 otbasy «Nurly jer» arqyly baspanaly bolady

ASTANA. QazAqparat - Ipotekalyq qaryzdardy sýbsıdııalaıtyn «Nurly jer» memlekettik baǵdarlamasy boıynsha salynǵan kóp pəterli turǵyn úıdiń 90 %-ne turǵyndar qonystanyp úlgerdi, dep habarlaıdy Atyraý oblystyq óńirlik kommýnıkatsııalar qyzmeti.

Atyraý oblysynda jańa turǵyn úı baǵdarlamasy jergilikti turǵyndar arasynda suranysqa ıe. Memlekettik qoldaý sharalaryn alǵan 68 otbasy qonys toıyn toılady. Jyl sońyna deıin taǵy da 7 otbasy baspanaly bolady.

Baǵdarlama operatorlarynyń aıtýynsha, qatysýshylardy 10% mólsherindegi tıimdi stavka, qalǵan bóligin memlekettiń sýbsıdııalaýy syndy tıimdi sharttar qyzyqtyrady.

«Nurly jer» baǵdarlamasy aıasynda kommertsııalyq bankterdegi ıpotekalyq qaryzdy sýbsıdııalaý 2016 jyldan bastap qaralyp jatyr. Qaryz alýshynyń sýbsıdııalanatyn qaryzynyń tólemi 10 paıyzdy quraıdy, qalǵan bóligin «Qazaqstan ıpotekalyq kompanııasy» tóleıdi. Nesıe alar kezde qaryz alýshy bankke komıssııalyq jarna tólemeıdi»,-deıdi «Qazaqstan ıpotekalyq kompanııasy» Atyraý aımaqtyq bólimshesiniń dırektory Əlimjan Dabysov.

Sýbsıdııalaý baǵdarlamasy jylyna 10 paıyzdan aspaýy tıis jáne aqyrǵy paıyzdyq mólsherlemeni tómendetýge baǵyttalǵan. «Nurly jer» baǵdarlamasy boıynsha qaryz alýshy ıpotekalyq qaryzdy tómen paıyzben alady, qalǵan 7 paıyzdy memleket sýbsılııalaıdy. Bul mehanızm ıpotekalyq nesıeleýdi damytýǵa, turǵyn úı qurylysynyń qarqynyn arttyrýǵa múmkindik beredi.

Atyraý oblysynda əleýmettik jaǵynan az qamtylǵan turǵyndarǵa nesıelik jəne jalǵa beriletin turǵyn úıler qoryn qurý aıasynda myń jarym pəter salý josparlanýda.

«Bıyl 37 kóp pəterli turǵyn úı salý josparlandy, onyń 29-y, ıaǵnı 1617 pəter paıdalanýǵa berildi. Qalǵan 8 úıdiń qurylysy jyl aıaǵyna deıin bitedi»-deıdi oblystyq qurylys basqarmasynyń basshysy Məlik Amanov.