Bıyl Atyraý oblysynda 43 áleýmettik nysan boı kóteredi
ATYRAÝ. QazAqparat - Atyraýda bilim, densaýlyq saqtaý, mádenıet jáne sport nysandarynyń qurylysy júrip jatyr, dep habarlaıdy QazAqparat óńirlik kommýnıkatsııalar qyzmetine silteme jasap.
Atyraýda oblys ákiminiń halyqqa esep berý kezdesýi aıaqtaldy. Nurlan Noǵaev 2018 jyldyń áleýmettik-ekonomıkalyq damý qorytyndylary men bolashaqtaǵy josparlar týraly aıtty.
Óńir basshysynyń aıtýynsha, bıyl 25 bilim berý nysanynyń qurylysy aıaqtalyp, paıdalanýǵa beriledi, atap aıtsaq, 10 balabaqsha, 11 mektep, 1 mýzyka mektebi, 2 jataqhana, 1 jataqhanasy bar lıtseı.
«Densaýlyq saqtaý salasynda jergilikti bıýdjet pen demeýshiler esebinen úsh nysannyń qurylysy aıaqtalady, olar - Kardıologııa ortalyǵyna qosymsha ǵımarat, Qurmanǵazy aýdandyq aýrýhanasyndaǵy 75 oryndyq ǵımarat jáne Qyzylqoǵa aýdany Qarabaý aýylyndaǵy feldsherlik-akýsherlik bólimshe», - dedi Atyraý oblysynyń ákimi Nurlan Noǵaev.
Sonymen qatar, bıyl myń jarym oryndyq 9 mádenıet nysany - mádenıet úıi, kitaphana men mýzeı paıdalanýǵa beriledi. Al sport salasynda 2019 jyly alty sport zaly, mektep pen DSK ashylady degen jospar bar.
