Bıyl Atyraý oblysynda 24 myńnan astam jumys orny ashyldy
Oblys ákiminiń orynbasasary Jasulan Bısembıevtiń málimetine súıensek, áleýmettik qoldaý sharalaryna 32 404 adam tartylǵan.
«Jyl basynan beri «2021-2025 jyldarǵa arnalǵan kásipkerlikti damytý jónindegi» ulttyq joba sheńberinde áleýmettik qoldaý sharalarymen 32 404 adam qamtylyp, 14 772 adam jumysqa ornalasty. Sonymen qatar, qysqa merzimdi oqý kýrstarynda jumysshy mamandyqtary boıynsha 877 adam oqytyldy. Onlaın «skills» arqyly 1 046 adam, «Bastaý-Bıznes» jobasymen kásipkerlik negizderine oqytýǵa 2 559 adam jiberildi. Kásiptik baǵdarlaý jobasymen 12 598 adamǵa, óz kásibin ashý baǵytynda 552 adamǵa memlekettik grant berildi. Jalpy jyl basynan beri 24 myńnan astam jumys orny ashyldy. Turaqty jumysqa 15 285 adam ornalasty», -dep málim etti Jasulan Bısembıev.
Onyń aıtýynsha, atalǵan is-sharalardyń nátıjesinde jumyssyzdyq deńgeıi 4,8 paıyzdy quraǵan. Sondaı-aq, bıyl 6 705 adamǵa 434,4 mln teńge kóleminde ataýly áleýmettik kómek taǵaıyndalǵan. Al, 1 jastan 6 jasqa deıingi 1 572 balaǵa 91,7 mln teńge kepildendirilgen áleýmettik toptamasy berilip otyr.
Eske sala ketelik, budan buryn Atyraý oblysyndaǵy Teńiz ken ornynda 6 myńnan astam adam jumystan bosatylatynyn habarlaǵan bolatynbyz.
