Bıyl Atyraý oblysynda 16 avtokólik órtengen
ATYRAÝ. QazAqparat –Jyl basynan beri Atyraý oblysynda 16 avtokóliktiń órtený deregi tirkeldi, dep habarlaıdy QazAqparat.
Atyraý qalalyq tótenshe jaǵdaılar basqarmasynyń bastyǵy Nurlan Jańabaevtyń aıtýynsha, sońǵy kezde avtokólikter jıi órtenetin bolǵan. Máselen, bıyl 16 avkóliktiń órtengen oqıǵasy tirkeldi. Órttiń shyǵý sebebi qozǵaltqysh pen basqarý panelindegi elektr jelisiniń qysqa tuıyqtalýynan bolyp otyr.
«Atyraý oblysynda 2018 jyly 76 avtokólik órtengen edi. Al, byltyr osyndaı 84 oqıǵa tirkeldi. Bıyl 16 oqıǵa tirkelip, onyń ishinde sońǵy eki aptada 9 avtokólik órtendi» -dedi Atyraý qalalyq tótenshe jaǵdaılar basqarmasynyń bastyǵy Nurlan Jańabaev.
