Bıyl Atyraý oblysynda 11 balabaqsha salynady
ATYRAÝ. QazAqparat - Bıyl Atyraý oblysynda mektepke deıingi 11 mekeme paıdalanýǵa beriledi, dep habarlady «QazAqparat» HAA tilshisi.
«Jalpy alǵanda, qurylysy júrip jatqan balabaqshalar 2435 orynǵa arnalǵan. Bes nysan jergilikti bıýdjet qarajatyna salynýda. Atyraý qalasy Shyǵys shaǵynaýdanynda, Saǵyz aýlynda jáne Inderborskıı kentinde - 290 oryndyq, Qyzylqoǵa aýdany Tasshaǵyl, Qarabaý aýyldarynda - 100 oryndyq, Atyraý qalasy Geolog-2 kentinde 165 oryndyq balabaqsha salynýda», - dep habarlady Óńirlik kommýnıkatsııalar qyzmetiniń brıfınginde qurylys basqarmasy basshysynyń orynbasary Mereı Jantureev.
Onyń aıtýynsha, demeýshiler esebinen 6 balabaqsha salynýda: Dossor kentinde 100 oryndyq sanatorlyq úlgidegi balabaqsha, Erkinqala aýylynda 290 oryndyq, Nursaıa shaǵyn aýdanynda 320 oryndyq, Qúlasyr qalasynda árqaısysy 290 orynnan eki balabaqsha, Ganıýshkıno aýylynda 200 oryndyq bir balabaqsha.
Osy jyly 2590 oryndyq taǵy 11 balabaqshanyń qurylysy josparlanýda: bireýi jergilikti bıýdjet qarajatyna, 10-y demeýshiler esebinen boı kóteredi.
