Bıyl Atbasarda sý basý qaýpi bar eldi mekenderden 200 otbasy kóshiriledi

ATBASAR. QazAqparat - Atbasar qalasynda sý basýy múmkin eldi mekenderden 500 otbasy turady. Bul týraly Atbasar aýdanynyń ákimi Amanbek Qaljanov málim etti, dep habarlaıdy QazAqparat tilshisi.

«Biz sońǵy úsh jyl ishinde 459 otbasyn sý basý aımaǵynan kóshirdik. Degenmen áli de 500 otbasy qaýipti aımaq turyp jatyr. Bul 500 otbasyn kóshirý úshin 100 páterli bes turǵyn úı men onyń ınjenerlik jelilerine jobalyq smetalyq qujattama ázirlendi. Ótken jyly Úkimet rezervinen 100 páterli eki turǵyn úı men olarǵa ınjenerlik jeliler salýǵa 4 mıllıard 200 mıllıon teńge bólindi»,-dedi A.Qaljanov.

Aýdan ákimi atap ótkendeı, qazirgi kezde Atbasar qalasynda 200 páterli eki turǵyn úı salynyp jatyr.

«Aldaǵy qyrkúıek aıyna qaraı 200 otbasyn ornalastyrýdy josparlap otyrmyz. Alǵan 300 otbasyn kóshirý úshin 3 turǵyn úıdiń qurylys boıynsha Aqmola oblystyq qurylys basqarmasy jumys istep jatyr. Bul úılerge qatysty másele áli tolyq sheshilgen joq», -dep tolyqtyrdy aýdan ákimi.