Bıyl astyq baǵasy tonnasyna 200 dollardan kem bolmaıdy - Asyljan Mamytbekov
ATY. 9 maýsym. QazAqparat /Erbol Azanbek/ - Qolaıly aýa raıy bıylǵy jyly astyq túsiminiń jaqsy bolatynyn boljaýǵa múmkindik beredi. Sondaı-aq bıyl astyq baǵasy tonnasyna 200 dollardan kem bolmaıdy.
Bul týraly búgin Almatyda QR Aýyl shaýashylyǵy mınıstri Asyljan Mamytbekov aıtty.
Negizgi astyq ónimi bıdaı ekendigine toqtalyp, «eldi astyqtyń jaǵdaıy tolǵandyratyny sózsiz» degen ol, BAQ ókilderiniń astyq salasynyń jaı-kúıi týraly suraqtaryna jaýap berdi.
«Kóktemde bizdiń fermerler janar maı ala almady. Óıtkeni kópshiliginde qarjy bolmady. Alaıda ÁKK-ler arqyly janarmaı alý úshin bólgen 12 mln.teńgeniń kómegimen olar astyqty ýaqytynda seýip úlgerdi. Endigi másele - dymqyl ári salqyn kóktem ósindilerge tez ósýge múmkindik berdi, endigi jerde ylǵal mol bolǵan jaǵdaıda sýdy qabyldamaýy múmkin. Sondyqtan biz astyq ósirýshilerdi gerbıtsıdtermen qamtamasyz etý úshin jeńil nesıe berý múmkindigin qarastyrýdamyz»,- dedi A.Mamytbekov.
Onyń aıtýynsha, astyqty Reseıge eksporttaý baǵanyń túsýine áser etedi. «Qazir astyqtyń tonnasyna 40-42 myń teńge, 50 myń teńgege deıin jetken kezi de boldy. Alaıda Reseı un eksportyn bastaǵan soń baǵa tómendedi, áli de tómendeýi múmkin. Biraq, bizdiń boljam boıynsha 200 AQSh dollarynan tómen bolmaıdy»,- dedi QR Aýyl shaýashylyǵy mınıstri jýrnalısterge.
