Bıyl astyq alqaptary keńeımeıdi - QR Aýyl sharýashylyǵy mınıstri
ASTANA Naýryzdyń 29-y. QazAqparat /Arman Asqarov/ - Aǵymdaǵy jyly respýblıkadaǵy 16,7 mln. gektar jerge egin egiledi. Bul ótken jyldyń kórsetkishine teń. Úkimettiń búgingi selektorlyq otyrysynda QR Aýyl sharýashylyǵy mınıstri Aqylbek Kúrishbaev osylaı aıtty,
dep habarlaıdy QazAqparat.
Mınıstrdiń sózine qaraǵanda, bıyl egistik alqaptaryn maıly daqyldardyń kólemin arttyrý arqyly keńeıtý kózdelgen. Bul maqsattarǵa 1,4 mln. gektar jer bólinip otyr. Bul ótken jylmen salystyrǵanda 16 paıyzǵa artyq. Bıyl biz maıly daqyldardyń ortasha kólemin jınaıtyn bolsaq, elimizdiń ishki naryǵyndaǵy osy ónimge degen suranysty tolyǵymen óteı alamyz», dedi A. Kúrishbaev.
Mınıstr atap kórsetkenindeı, bıyl kóktemgi egis alqaptarynyń jalpy kólemi 19,1 mln. gektarǵa keńeıdi.
