Bıyl Astananyń jasyl beldeýine 1 800 qyrǵaýyl jiberiledi
ASTANA. QazAqparat - 2017 jyldyń sáýirine deıin 1 400 qyrǵaýyl (210 analyq jáne ótken jyldary basyp shyǵarylǵan 1 190 balapan) volerde ósirilip keldi. 18-19 sáýir kúnderi 1 000 bas qyrǵaýyl elordanyń «jasyl beldeýine» jiberildi, al maýsym aıynda taǵy 150 qusty erkindikke jiberi josparlanǵan.
Astana ákimdiginiń habarlaýynsha , qyrǵaýyldyń mekendeý ortasy jyl ótken saıyn keńeıip keledi. Kásiporynda maýsymdyq jumys isteıtin aýyl turǵyndarynyń aıtýynsha, qustar Astanaǵa irgeles eldi mekenderde baıqalǵan. Bul olardyń jergilikti jerge jaqsy beıimdelgenin kórsetedi.
Qyrǵaýyldardy ósirý bıoalýandylyqty saqtaýǵa múmkindik berip qana qoımaı, sonymen birge, zııankestermen bıologııalyq kúres arqyly orman aǵashtaryn saqtaýǵa jaǵdaı jasaıdy. Osylaısha, 2010-2016 jyldary «jasyl beldeýde» zııankesterge qarsy pestıtsıdterdi qoldaný 350 gektarǵa qysqarǵan.
«Astana ormany» JShS 2010 jyldan beri elordanyń «jasyl beldeýi» faýnasynyń túr quramyn ulǵaıtý maqsatymen qyrǵaýyldardy ósirýmen (ıntrodýktsııa) aınalysyp keledi.
6 jyl ishinde ınkýbatsııa jáne qyrǵaýyl analyǵynyń basyp shyǵarý ádisimen 8 083 balapan shyǵarylǵan, sonyń 6 633-i erkindikke jiberildi.
