Bıyl Astananyń qaryn tazalaýǵa 2 myńǵa jýyq tehnıka tartylady

ASTANA. QazAqparat - Elorda ákimi Áset Isekeshev kommýnaldyq qyzmetterdiń qysqa daıyndyq jumystarymen tanysty.

Qysta Astanada qar jınaý jumystaryna 2 myńǵa jýyq mamandandyrylǵan tehnıka tartylady, sonyń ishinde «Almaty» aýdanynda - 395, «Saryarqa» aýdanynda - 349, «Esil» aýdanynda - 294. Sonymen qatar, «Astana tazalyq» jáne «Astana Zelenstroı» arnaıy tehnıkalary qysqy maýsymǵa daıyn. Joldar men kóshelerdi qolmen jınaýǵa úsh myńnan astam adam qatysady. 

Kommýnaldyq tehnıkanyń bir bóligi gazǵa aýystyryldy. Bıyl qysta kóktaıǵaqty boldyrmaý úshin pılottyq joba aıasynda jańa býyndaǵy 1 141 tonna «Aısmelt» reagent qoldanylady. Ony paıdalanǵan kezde joldarda jáne trotýarlarda kir daqtar bolmaıdy. Sondaı-aq, qum-tuz qospasy (26 238 tekshe m) daıyndaldy.