Bıyl astanalyq 13 myńǵa jýyq búldirshin birinshi synypqa barady
ASTANA. QazAqparat - Jańa oqý jylynda 13 myńǵa jýyq balaqaı birinshi synypqa barady. Bul týraly astana.kz saıty habarlady.
1 qyrkúıekte Astanada ornalasqan 83 mekteptiń bári esigin aıqara ashady. Onyń 71-i memlekettik jáne 12-si jeke menshikti mektep. Bilim oshaqtarynda 94 712 oqýshy bilim alady.
Bilim basqarmasynyń málimetine súıensek, qaladaǵy jalpy bilim berý mekemelerinde 6038 pedagog qyzmet etedi.
