Bıyl Astanadaǵy qoǵamdyq kóliktiń jolaqysy qymbattaýy múmkin
ASTANA. QazAqparat - Bıyl Astanadaǵy qoǵamdyq kóliktiń jolaqysy qymbattaýy múmkin. Bul týraly búgin ótken baspasóz máslıhatynda qala ákiminiń orynbasary Qanat Sultanbekov málim etti.
Onyń aıtýynsha, elordada qoǵamdyq kóliktiń jolaqasy sońǵy ret 2008 jyly kóterilgen.
«Odan beri jalaqy ulǵaıdy, janar-jaǵarmaıdyń baǵasy da 2 ese ósti. Sondyqtan biz qoǵamdyq kóliktiń jolaqysy kóterilmeıdi dep aıta almaımyz», - dep atap ótti Q. Sultanbekov.
Onyń aıtýynsha, qazirgi ýaqytta barlyq esepteý jumystary júrgizilip jatyr, ol daıyn bolǵanda quzyrly organdarǵa jiberiledi.
«Jolaqynyń qanshaǵa kóteriletinin qazir aıta almaımyz, belgili bola salysymen, biz qosymsha habarlaıtyn bolamyz. Ondaı ózgerister bıyl bolýy múmkin», - dedi Q. Sultanbekov.
