Bıyl Astanada turaqtaný úshin 78 myńnan astam adam keldi
ASTANA. 27 jeltoqsan. QazAqparat - Jyl saıyn elordada tirshilik keshý úshin myńdaǵan adam keledi.
Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi baspasóz máslıhatynda Astana qalasynyń ákimi Imanǵalı Tasmaǵambetov málim etti.
Onyń sózine qaraǵanda, jyl basynan beri HQKO-larda elimizdiń ózge óńirlerinen elordaǵa kelgen 101 283 adam tirkeldi, al tirkeýden shyqqandar tek 22 747. ıAǵnı qalada 78 myńnan astam adam turaqtady.
«Árıne, qarqyndy damý úrdisi elordany elimizdiń barsha óńirleriniń adamdary úshin turǵylyqty jer retinde tartymdy etýde. Olardyń ózderiniń bolashaǵyn Astanamen baılanystyrý nıeti aýqymdy ishki kóshi-qonǵa sebep bolýda. Osy oraıda bul áleýmettik salaǵa kúrdeli aýyrtpalyq túsiredi. Óz kezeginde osynyń nátıjesi balabaqshalardaǵy oryndardyń jetkiliksizdigine soqtyrady»,-dedi ákim.
Búginde qalada alty jasqa deıingi 110 myńnan astam bala bar. Qala múmkindigin eskersek, balabaqshaǵa 32 684 bala ornalastyrylǵan. Jalpy qazirgi kezde kezektegi balalar sany 72 myńǵa jýyq.
Belgili bolǵandaı, sońǵy 4 jylda elordada 80 balabaqsha salynǵan. 2014 jyly taǵy 17 mektepke deıingi mekemeni paıdalanýǵa berý josparlanǵan.
