Bıyl Astanada taǵy 16 myń aǵash otyrǵyzylady
ASTANA. QazAqparat - Astanada bıyl taǵy da 16 myńǵa jýyq aǵash kóshetteri otyrǵyzylmaq, dep habarlady qala ákimi apparatynyń baspasóz qyzmetinen.
«Elordada ony jasyldandyrý máselesine kóp kóńil bólinýde. Bul baǵyttaǵy jumystar úzdiksiz júrgizilip jatyr. Qalanyń topyraǵy men klımatyna saı keletin aǵashtar men butalardy jergiliktendirý boıynsha zertteýler júrgizilip, normatıvter ázirlenýde. Sondaı-aq otyrǵyzylatyn ósimdikterdiń alýan túrliligin ulǵaıtý jumystary jasalýda», - delingen habarlamada. Aıta keteıik, 2013 jyly qalada 32 myń aǵash kóshetteri otyrǵyzylǵan. Sondaı-aq munda jylyna 10 mln.-ǵa jýyq túrli gúlder egiledi.
