Bıyl Astanada qurylysy uzaqqa sozylǵan 30 turǵyn úı aıaqtalady
Osylaısha, 2022 jyldyń sońyna qaraı qurylysy uzaqqa sozylǵan 150 úıdiń 120-synda másele sheshiledi.
«16 myń úlesker-otbasynyń máselesin sheshý mindeti turdy. Bul jaı ǵana sandar emes, bul – uzaq jyldar boıy jaldamaly páter aralap júrgen bizdiń turǵyndardyń taǵdyry, olar burynda-aq óz úılerine kirýi tıis bolǵan. Bıyl qurylysy uzaqqa sozylǵan taǵy 30 kóppáterli turǵyn úı qurylysyn aıaqtaýdy josparlap otyrmyz.
Uzaqqa sozylǵan qurylystardaǵy jumystyń aıaqtalýy Memleket basshysynyń baqylaýynda. Jyl sońyna deıin qurylysy aıaqtalǵan «saqaldy qurylystar» sany 120-ǵa jetetin bolady, barlyǵy 150 edi. Úleskerler sany 15 myń otbasydan 2 myń otbasyǵa deıin azaıady. Soǵan qaramastan, taǵy 30 «saqaldy qurylys» qalyp otyr. Olardyń qurylysyn aıaqtaý boıynsha naqty joparlanǵan merzim bar«, - dedi elorda ákimi Altaı Kólginov.
Qala ákiminiń aıtýynsha, qurylysy aıaqtalmaı qalǵan nysandardyń problemasy ártúrli: birinde tek qazylǵan shuńqyry bolǵan; biri apatty dep tanylýyna baılanysty súrýge jatqyzyldy; birinde qarjy aýdıti, jobalaý-smetalyq qujattamasy bolmady, páterdi eki-úsh adamǵa satý faktileri de tirkelgen.
Foto: gov.kz
