Bıyl Astanada eńbek zańnamasyn saqtamaǵan zańdy tulǵalarǵa 20 mln teńge aıyppul salyndy

ASTANA. QazAqparat – Jyl basynan beri elordada eńbek zańnamasynyń talaptaryn saqtamaǵan 82 zańdy tulǵaǵa 20 mln teńge aıyppul salyndy, dep habarlaıdy QazAqparat tilshisi.

«Jyl basynan beri eńbek zańnamasynyń saqtalýyn baqylaý maqsatynda memlekettik eńbek ınspektorlary jospardan tys 247 tekseris júrgizdi. Byltyr sáıkes kezeńde 267 tekseris jasalǵan bolatyn. Nátıjesinde talapqa saı kelmeý faktileri boıynsha 133 nusqama, sondaı-aq 20 mln teńge somasyna 82 zańdy tulǵaǵa ákimshilik aıyppul salyndy. Ótken jyly bolǵan tekserister qorytyndysy boıynsha 87 sýbektige 16 mln teńge aıyppul salynǵan edi», - dep málim Qalalyq orta sapasy jáne baqylaý basqarmasy basshysynyń orynbasary Erlan Ysmaǵulov kommýnıkatsııalar qyzmetinde ótken brıfıngide.

Qosa ketsek, buǵan deıin eńbek qaýipsizdigi salasyn jetildirý úshin biryńǵaı aqparattyq júıe qurý usynylǵan bolatyn.