Bıyl Astanada elektr energııasyna tarıfter kóterilmeıdi - «Astana - Energııa» AQ
ASTANA. Sáýirdiń 16-sy. QazAqparat /Arman Asqarov/ - Búginde kómir otynynyń baǵasy qymbattady. Osynyń saldarynan «Astana - Energııa» AQ bıyl 350 mln teńge kóleminde shyǵynǵa tap bolyp otyr.
Menińshe, aǵymdaǵy jyldyń aıaǵyna deıin elektr energııasynyń tarıfteri kóterilmeıdi. Biraq onysyz kompanııa shyǵynǵa ábden batýy múmkin. Bul týraly búgin Almaty aýdanynyń ákimdiginde ótken keńeste «Astana - Energııa» AQ bas dırektory Leonıd Larıchev aıtty, dep habarlaıdy QazAqparat.
Onyń sózine qaraǵanda, búginde jylý boıynsha tólenetin tarıf 929 tg/Gkal-dy quraıdy. «Al kompanııany shyǵynǵa batyrmaıtyn úılesimdi tarıf 1 051 teńge bolýy qajet. Sonda ǵana biz eshbir shyǵynsyz jumys isteı alamyz», - deıdi L.Larıchev.
Kásiporyn basshysy atap kórsetkendeı, bıyl jeltoqsannyń 31-ine deıin tarıfter kóterilmeıdi. Buǵan deıin tarıfti kóterý jónindegi usynys hatty QR Tabıǵı monopolııalardy retteý agenttigi qaıtaryp tastaǵan bolatyn. Qazirgi kezde bul qujattar qaıta ázirlený ústinde.
