Bıyl Astanada apatty dep tanylǵan úılerden 450-den astam otbasy kóshiriledi
Astana qalasy ákimdiginiń baspasóz qyzmeti habarlaǵandaı, 2014 jyly Astanada apatty jaǵdaıda turǵan 31 úıdi buzý josparlanǵan. Bul úılerdegi 463 otbasy Syǵanaq kóshesi aýdanyna kóshiriledi. Eske salaıyq, Astana qalasynda apatty jaǵdaıda turǵan úılerdi buzý pılottyq jobasyn júzege asyrý «Qoljetimdi baspana-2020» baǵdarlamasynda qarastyrylǵan. Qalanyń aýdandyq ákimdikteri turǵyn úı qoryna taldaý júrgizip, 1940-1970 jyldary salynǵan eski úılerdiń tizimin jasady. 228 úıdiń ınjenerlik júıeleri men negizgi qurylys konstrýktsııalary ábden tozǵan. Qazirgi kezde arnaıy uıymdar atalǵan úılerde tehnıkalyq tekserý júrgizýde. Shyǵarylǵan tehnıkalyq qorytyndylardyń negizinde nysanda qalyptasqan jaǵdaı jiti tekserilip, obektıvti málimetter rastalǵan jaǵdaıda úıler apatty dep tanylady. Qoldanystaǵy zańnamaǵa sáıkes apatty jaǵdaıda turǵan úılerdiń ıeleri jańadan salynǵan turǵyn úı keshenderine kóshiriledi. Bul rette usynylatyn turǵyn úıdiń sharshy metri buzylatyn úıdiń sharshy metrimen teń bolady. Aıta keteıik, 2013 jyly 11 eski úı buzylyp, olardan 178 otbasy kóshirilgen bolatyn, dep habarlanǵan elorda ákimdiginiń resmı saıtynda.
