Bıyl Astanada 9 jańa mektep salynady
ASTANA. QazAqparat - Bıyl Astanada 9 mektep salynady. Bul týraly astana.kz saıtyna Astana qalasy ákimi apparatynyń baspasóz qyzmetinen habarlady.
«Bıyl 9 mektep paıdalanýǵa berilýi tıis. «100 mektep, 100 aýrýhana» baǵdarlamasyna kelsek, Qurylys basqarmasy «100 mektep» baǵdarlamasyn oryndady. Ótken jyly barlyq mektepter tapsyryldy. Bıyl tamyz aıynda taǵy da 9 mektep paıdalanýǵa berilmek. Ázirge bári jospar boıynsha jasalýda», - dedi Vladımır Lıýtov.
Qazirgi ýaqytta Astanada 83 jalpy bilim beretin mektep jumys isteıdi, oqýshylardyń jalpy sany - 94 712. Sonyń ishinde 71 mektep - memlekettik, 12 - jeke menshikti.
Aıta keteıik, 2013 jyly Astanada úsh mekteptiń qurylysy aıaqtaldy: Temirjolshylar turǵyn alabynda 1 100 oryndyq mektep, «Batyǵaı» t/k 1 200 oryndyq mektep, №19 mektepke japsyra salynǵan 600 oryndyq ǵımarat.
