Bıyl Astanada 9 myńǵa jýyq oqýshy jańa mekteptiń tabaldyryǵyn attaıdy
ASTANA. QazAqparat - Bıyl elordada 8 mektep oqýshylar ıgiligine beriledi. Al ótken jyly 4,4 myń orynǵa laıyqtalǵan 4 mektep ashylǵan bolatyn, dep habarlaıdy QazAqparat qala ákimdiginiń resmı saıtyna silteme jasap.
Qazirgi tańda Astanada 8700 orynǵa arnalǵan segiz mektep pen mektepke japsarlas ǵımarattyń jáne bir kolledjdiń qurylysy júrip jatyr. Budan bólek, memlekettik jekemenshik áriptestik (MJÁ) aıasynda ulttyq kompanııalardyń esebinen 480 orynǵa arnalǵan eki balabaqshanyń, 720 orynǵa arnalǵan taǵy eki balabaqshanyń qurylysy júrgizilýde.
Sonymen qatar, balalardy mektepke deıingi bilimmen qamtý máselesi oń sheshimin taýyp otyr. 3-6 jas aralyǵyndaǵy balalardy mektepke deıingi bilimmen qamtý kórsetkishi 2016 jyly 70,6%, 2017 jyly 78% qurasa, 2018 jyly ol 90% deıin ósken bolatyn. Bul rette jeke sektordy tartý sharalary mańyzdy ról atqardy. Ol qamtylǵan balalardyń jalpy sanynyń 30%-yn quraıdy.
