Bıyl astanada 600 myń túp aǵash egiledi
Nur-Sultan qalasynyń qoǵamdyq keńesiniń otyrysynda qalandaǵy jasyl jelekter men sý júıeleriniń jaǵdaıy, olardy pasporttaý men tsıfrlandyrý máselesi talqylandy. Bul baǵytta atqarylǵan sharýalardy qalalyq qorshaǵan ortany qorǵaý jáne tabıǵatty paıdalaný basqarmasy basshysynyń orynbasary Aıdyn Begimbekov baıandady.
«Búgingi tańda qalada 1 mln 400 myńǵa jýyq jasyl jelek óskini bar. «Jasyl beldeý» aýmaǵynda 14 mln jasyl jelek bar. Bıyl 600 myńnan astam jasyl jelek egýdi josparlap otyrmyz. Onyń ishinde «jasyl beldeýdiń» quramynda 452 myń kóshet otyrǵyzý josparlanǵan.
Kógaldandyrý aıasynda Almaty aýdany 8 myńǵa jýyq, Baıqońyr aýdany 7 myńǵa jýyq, Saryarqa aýdany 7 myńǵa jýyq, Esil aýdany 23 500-ge jýyq aǵash egilmek»,- dedi basqarma ókili.
Onyń aıtýynsha, ázirge osy atalǵan jumystyń tek 30 paıyzy ǵana iske asqan.
«Nysandar qurylysy sheńberinde Jol-kólik basqarmasy 71 862 aǵash, Kommýnaldyq sharýashylyq basqarmasy 552 aǵash egedi. «Jasyl beldeýdi» damytý aıasynda «Astana ormany» JShS 451 518 aǵash egýdi josparlap otyr. Saıabaqtar men shaǵyn gúlbaqtar qurylysy aıasynda Qorshaǵan ortany qorǵaý basqarmasy 92 332 aǵash egýdi josparlap otyr.
Búgingi tańda kóktemgi kezeńde 186 myń aǵash otyrǵyzyldy. ıAǵnı, jalpy jospardyń 30 paıyzy oryndaldy.
Qalǵan jumystar kúgi kezeńde jalǵasady. Sondaı-aq, bıyl qala aýmaǵynda 9 gúlzardyń qurylysy josparlanǵan. Onyń ishinde 5 gúlzardy aıaqtap, tapsyrdyq»,- dedi Aıdyn Begimbekov.
Buǵan deıin, qalalyq qorshaǵan ortany qorǵaý jáne tabıǵat paıdalaný basqarmasynyń basshysy Álııa Qojabaeva elordanyń «jasyl beldeýine» 4,5 mln aǵash otyrǵyzý josparlanǵanyn málim etken bolatyn. https://www.kazinform.kz/kz/elordanyn-zhasyl-beldeuine-4-5-mln-agash-otyrgyzylady_a3894868
