Bıyl Astanada 300-den astam AITV juqtyrý jaǵdaıy anyqtaldy
ASTANA. QazAqparat – Elordadaǵy AITV ınfektsııasynyń aldyn alý ortalyǵy bas qaladaǵy vırýs juqtyrý kórsetkishterin baıandady, dep habarlaıdy QazAqparat tilshisi.
«Elordada AITV juqtyrǵandar boıynsha jaǵdaı turaqty jáne jiti baqylaýymyzda. Qazirgi ýaqytta AITV epıdemııasy tómen kórsetkishte sıpattalady. Elordada baıqalyp jatqan bul tendentsııa jalpy álemde bolyp jatqan úrdiske saı keledi. ıAǵnı, negizinen juqtyrý jaǵdaılarynyń 80%-y jynystyq jolmen júredi. Statıstıkaǵa kelsek, qalada jaqsy anyqtaý jumystary júrýde. Jyl saıyn 300 myńnan astam halyqty testileımiz – bul Astana halqynyń 20%-dan astamyn quraıdy. Bul jalpy epıdemıologııalyq jaǵdaıdy baǵalaýǵa jetkilikti. Bıyl júrgizilgen jumystyń arqasynda 305 jaǵdaı anyqtaldy. Olardyń 82%-y erte kezeńderde anyqtalǵan», - dedi AITV-ınfektsııasynyń aldyn alý ortalyǵy dırektorynyń orynbasary Saltanat Mýsına.
Onyń aıtýynsha, bul naýqastarǵa densaýlyqty, ımmýndyq júıeni jáne eńbekke qabilettilikti saqtaý úshin erte kezeńderde ýaqytyly em taǵaıyndaýǵa múmkindik beredi.
«Esepte turǵan patsıentter emdeýdi múmkindiginshe erterek bastaıdy jáne bul olarǵa oqýǵa, jumys isteýge jáne otbasyn qurýǵa múmkindik beredi», - dep tolyqtyrdy Saltanat Mýsına.
Aıta keteıik, jyl saıyn 1 jeltoqsanda álemdik qaýymdastyq, onyń ishinde Dúnıejúzilik densaýlyq saqtaý uıymy, Birikken Ulttar Uıymy, qoǵamdyq birlestikter men úkimetter AITV/JITS qarsy kúres kúnin ótkizedi.
