Bıyl Astanada 3 balabaqsha ashylady
ASTANA. QazAqparat - 2014 jyly Astananyń Almaty aýdanynda 3 balabaqsha paıdalanýǵa berilmek, dep habarlaıdy astana.kz.
«Astana qalasynyń Bilim basqarmasynyń habarlaýynsha, qazirgi ýaqytta 72 myńnan astam bala balabaqsha kezeginde tur. Mektepke deıingi mekemelerde oryn tapshylyǵyn joıý úshin 2014 jyly aýdanda úsh balabaqsha paıdalanýǵa berilmek: Aınakól-Mırzoıan kósheleriniń qıylysynda (240 oryn), Aınakól kóshesi men M.Jumabaev dańǵylynyń qıylysynda (240 oryn), J.Nájimedenov - Mırzoıan kósheleriniń qıylysynda (240 oryn)» - delingen habarlamada.
Sondaı-aq bıyl taǵy da 2 balabaqshanyń qurylysy bastalady.
«Sonymen qatar, ústimizdegi jyly A. Baıtursynov kóshesinde, M. Jumabaev dańǵylynyń shyǵysynda, sondaı-aq, Mırzoıan jáne A. Baıtursynov kósheleriniń qıylysynda árqaısysy 240 oryndyq taǵy da eki balabaqshanyń qurylysy bastalady», - delingen vedomstvo habarlamasynda.
Almaty aýdanynda 11 185 bala mektepke deıingi bilimmen qamtylǵan. Bul elordada mektepke deıingi bilimmen qamtylǵan balalardyń jalpy sanynyń 45% quraıdy.
