Bıyl astanada 3,2 mln sharshy metr turǵyn úı salynady
NUR-SULTAN. QazAqparat – Bıyl elordada 3,2 mln sharshy metr turǵyn úı salý josparlanǵan. Bul týraly qala basshysy Altaı Kólginov qalalyq máslıhattyń kezekten tys sessııasynda aıtty, dep habarlaıdy QazAqparat tilshisi.
«Osy jerde, sessııada biz naqty basqarýshylyq sheshimder qabyldaımyz. Ol elordamyzdy damytýdaǵy júıeli máselelerdi sheshedi. Halyq sanynyń ósýine baılanysty qurylys jumystarynyń kólemi qarqyndy túrde artyp keledi. Ásirese, turǵyn úı kóptep salynýda. 2019 jyly 1,8 mln sharshy metr, al 2020 jyly 3 mln sharshy metr baspana saldyq. 2021 jylǵy jospar – 3,2 mln sharshy metr turǵyn úı», - dedi ol.
Altaı Kólginovtiń atap ótýinshe, sonyń arqasynda jumys oryndary ashylyp, jergilikti bıýdjetke salyq túsimi ulǵaıady. Qurylys ındýstrııasy damyp, jergilikti qamtý úlesi artady.
«Qurylys materıaldaryn nemese ózge de qajetti zattardy shyǵaratyn kásiporyndarymyz tapsyrysty tek memlekettik bıýdjet qana emes jeke ınvestıtsııa esebinen alyp jatyr. Qurylys jumystary bul kóleminiń 80 paıyzdan astam jeke ınvestıtsııa tıesili. Eń aldymen bul qala ekonomıkasynyń dınamıkasyna oń áserin tıgizedi. ıAǵnı, salyq túsip, jańa jumys oryndary qurylady, óndiris damıdy. Sondyqtan 3,2 mln sharshy metr turǵyn úıdi jylýmen, sýmen, káriz júıesimen, ınjenerlik jelilermen qamtamasyz etip, abattandyrýymyz qajet», - dedi qala ákimi.
