Bıyl Astanada 20 myńnan astam aǵash otyrǵyzyldy
ASTANA. 6 tamyz. QazAqparat - Jyl basynan beri Astanada 20 568 túp aǵash otyrǵyzyldy. Bul týraly astana.kz saıtynan habarlandy.
«Astana-Zelenstroı» AQ málimetterine qaraǵanda, jyl basynan beri elordada 6174 iri kólemdi kóshet, 8547 buta, kólemi 1221 metrlik jańa buta qorshamyna ashyq tamyrly 5847 buta otyrǵyzylǵan. Budan basqa, merziminen buryn qartaıyp jatqan nemese qýraǵan aǵashtardyń ómir súrý qabilettiligin yntalandyrý jáne elordanyń syrt kelbetin kórkemdeý maqsatynda kóshe aǵashtary da shetine qaraı kesilip jatyr.
«Bıyl osyndaı 1204 aǵash kesiledi. Búgingi tańda jumystar kóleminiń 66 paıyzy oryndalǵan. Sondaı-aq, jyl sońyna deıin elordada qartaıǵan, syrqatqa shaldyqqan jáne qýraǵan 20 992 aǵash shabylady. Sonyń ishinde 19 946 túp Esil aýdanynda (áýejaıǵa barar joldyń boıynda egilgen orman aǵashtary), 689 túp Saryarqa aýdanynda jáne 357 túp Almaty aýdanynda ornalasqan» delingen baspasóz baıanynda.
1 tamyzdaǵy jaǵdaıy boıynsha atalmysh jumystardyń 42,5 paıyzy oryndalǵan. Almaty aýdanynyń aýmaǵynda 16 aǵash, Esil aýdanynda 8499 jáne Saryarqa aýdanynda 575 aǵash pen 56 aǵashtyń túbirleri qoparyp alyndy.
