Bıyl Astanada 108,6 shaqyrym jol salynady

ASTANA. QazAqparat - Astana qalasy Jolaýshylar kóligi jáne avtomobıl joldary basqarmasynyń habarlaýynsha, bıyl jol-qurylys jumystary 108,6 shaqyrym joldy qamtıdy dep josparlanǵan.Sonymen qatar, 63,6 shaqyrym jol salynady jáne qaıta qurylady, turǵyn alabtarynda 24 shaqyrym jol qamtylady, 21 shaqyrym jol jóndeýden ótedi.

Ústimizdegi jyly Kishi aınalma jol qurylysy jumystary jalǵasyn tabady, sonyń aıasynda Beısekova kóshesiniń Syǵanaq kóshesinen Qorǵaljyn tas jolyna deıingi bóliginiń qurylysy aıaqtalyp, Beısekova kóshesiniń Qorǵaljyn tas jolynan Tilendıev dańǵylyna deıingi bóliginde qurylys jumystary jalǵasady.

Qalada kólik keptelisin azaıtý, áleýmettik mańyzy bar nysandarǵa ınjenerlik jeliler men jol salý boıynsha qolǵa alynǵan jobalardy júzege asyrý jalǵasady.

Turǵyn alabtaryn ınjenerlik jáne kólik ınfraqurylymymen qamtamasyz etý kózdelgen. Bıyl 11 turǵyn alabynda jalpy uzyndyǵy 24 km quraıtyn 30 kóshe salynbaq, dep jazady elorda ákimdiginiń resmı saıty.