Bıyl Astana men Aqtaýda mamandandyrylǵan HQKO-lar iske qosylady
ASTANA. 19 naýryz. QazAqparat - Aǵymdaǵy jyldyń sońyna deıin Astana men Aqtaý qalalarynda mamandandyrylǵan halyqqa qyzmet kórsetý ortalyqtary iske qosylady. Bul týraly búgin Úkimettiń selektorlyq rejimdegi otyrysynda QR Іshki ister mınıstri Qalmuhanbet Qasymov málim etti.
Onyń atap ótýinshe, byltyr iske qosylyp, halyqqa qyzmet kórsete bastaǵan 2 HQKO-ǵa qosa bıyl Astana men Aqtaý qalalarynda taǵy 2 ortalyq paıdalanýǵa beriledi. Máselen, elordada ortalyq ǵımaratynyń qurylysy bastalǵan. Ony qyrkúıek aıynda aıaqtaý josparlanyp otyr. Aqtaýda HQKO-nyń negizgi ǵımaraty boı kóterip, qalǵan jumystary júrgizilýde. Nysandy mamyr aıynda paıdalanýǵa berý josparlanǵan. Qaraǵandydaǵy HQKO shtattyq rejimde jumys istep tur. Almatydaǵy ortalyq ta paıdalanýǵa berilgen.
Al qalǵan óńirlerde mundaı ortalyqtar salý úshin jergilikti ákimdikter qarjy qarastyrý ústinde. «Bizdiń qoldaǵy aqparattarǵa sáıkes, Pavlodar, Petropavl jáne Qyzylordada mamandandyrylǵan HQKO-lardyń qurylysyna qajetti qarajat jartylaı tabyldy ári jumystardy júrgizýge daıyn. Qalǵan óńirlerde qurylysty maqsatsyz qarjylandyrý problemaly sanalýda», - dedi Q.Qasymov.
