Bıyl Astana mektepteriniń 3,5 myńnan astam túlegi UBT tapsyrady
ASTANA. QazAqparat - 2015 jyly Astana qalasynyń 3554 túlegi Ulttyq biryńǵaı testileýge qatysady. Jalpy, 4407 elordalyq oqýshy mektepti támamdaıdy, dep habarlaıdy astana.kz.
Astana qalalyq Bilim basqarmasynyń habarlaýynsha, UBT-ǵa qatysatyn mektep bitirýshilerdiń ishinde 180 túlek «Altyn belgi» medaline, 79-y erekshe úlgidegi attestat alýǵa úmitker. Aıta keteıik, elordalyq túlekter Ulttyq biryńǵaı testileýdi L.N.Gýmılev atyndaǵy Eýrazııa ulttyq ýnıversıtetinde, S.Seıfýllın atyndaǵy agrotehnıkalyq ýnıversıtetinde, Qazaq zań-gýmanıtarlyq ýnıversıtetinde tapsyrady. 5 pán boıynsha ótetin testileý 3,5 saǵatqa jalǵasady. Barlyq mektep bitirýshiler úshin sońǵy qońyraý dástúrli túrde 25 mamyrda, al túlekter keshi 20 maýsymda ótedi.
