Bıyl Astana mektepterin 4407 túlek támamdaıdy - E.Sýhanberdıeva
ASTANA. QazAqparat - 25 mamyr kúni elordanyń barlyq mektepterinde «sońǵy qońyraý» soǵylady. Bıyl 4407 túlek attestat ıelenip, úlken ómir jolyna qadam baspaq. Bul týraly Astana qalasy Bilim basqarmasynyń basshysy Elmıra Sýhanberdıeva habarlady.
«Bıyl elorda mektepterin 4407 túlek támamdaıdy, olardyń 3554-i Biryńǵaı ulttyq testileý tapsyrady. 180 mektep bitirýshi «Altyn belgige» úmitker. Synaq 2-6 maýsym aralyǵynda L.N.Gýmılev atyndaǵy EUÝ-inde, S.Seıfýllın atyndaǵy QazATÝ jáne QazMÁÝ-inde ótedi», - dedi Elmıra Sýhanberdıeva.
Atap ótý kerek, túlekterdiń testileý aldyndaǵy psıhologııalyq qysymǵa tótep berýleri úshin elorda mektepterinde psıhologtardyń qatysýymen arnaıy trenıngter ótkizildi.
Eske sala keteıik, oqý jylynyń basynda Astanada alty jańa mektep ashylǵan edi. Jyl sońyna deıin 5075 oryndyq taǵy bes mektep ashý josparlanǵan, sonymen qatar qazir 2440 oryndyq 10 mektepke deıingi tárbıe mekemesiniń qurylysy júrip jatyr.
