Bıyl Astana mańyndaǵy aýyldarda 20 shaqyrym jol salynady

ASTANA. QazAqparat - Bıyl Astana joldaryn jóndeýge 23 mlrd. teńge bólinedi. Bul týraly búgin ótken baspasóz máslıhatynda qala ákiminiń orynbasary Qanat Sultanbekov aıtty.

Onyń málimetinshe, 187,5 km quraıtyn jol qurylysyn qolǵa alý, 76,5 km joldy jóndeýden ótkizý, sondaı-aq, turǵyn úı keshenderiniń aýlalarynda jáne qalaǵa qosylǵan turǵyn alaptarynda 19,16 km jol salý josparlanǵan.

«Astanaǵa qosylǵan 20 shaqty aýyl bar, olarda 150 myńdaı adam turady. 2011 jylǵy derekter boıynsha sol aýyldardyń joldarynyń 280 shaqyrymy múldem asfaltalmaǵan. Sol jyldan bastap 95 shaqyrym jańa jol saldyq. Bıyl 20 shaqyrym jol salynady», - dep atap ótti Q. Sultanbekov.

Aıta keteıik, 2013 jyly 62,5 km jol jóndelip, Beısekova kóshesinde Esil ózeniniń ústinen ótetin kópir salyndy. Saryarqa jáne M2 dańǵyldarynyń boıyndaǵy taǵy birneshe kópir jóndeýden ótkizildi