Bıyl Astana kásipkerler palatasy bıznestiń 730 mln. teńge boıynsha quqyǵyn qorǵady
Júzdesýde Astana qalasy kásipkerler Palatasynyń dırektory Ǵanı Tasmaǵanbetov kásipkerler quqyǵyn qorǵaý, ákimshilik kedergilerdi joıý jáne elordada kásipkerlikti jandandyrý men damytý baǵyttary boıynsha Palatynyń jyl boıǵy atqarǵan qyzmetin qorytyndylap tolyqqandy esep berdi. Sondaı-aq, is-shara aıasynda Elbasy joldaýynyń shaǵyn jáne orta bıznesti damytýǵa baǵyttalǵan negizgi qaǵıdalary talqylanyp, kásipkerlerdiń ózekti máseleleri ortaǵa salyndy. Jalpy, jyl qorytyndysy boıynsha astana qalalyq áksipkerler palatasy ákimshilik kedergilerdi joıý, kásipkerler quqyǵyn qorǵaý, jobalardy qoldaý, kásipkerlerge qarjylyq emes kómek kórsetý jáne adamı kapıtaldy damytý syndy birneshe basym baǵyttar boıynsha aýqymdy nátıjelerge qol jetkizdi. Esepti kezeńde kásipkerlerden túsken shaǵymdardyń 326-sy quqyqtyq suraqtar bolsa, olardyń 163-i ıaǵnı 50% kásipkerlerdiń paıdasyna oń sheshim tapqan. Kelip túsken aryz-shaǵymdardyń basym kópshiligi salyq organdaryna, memlekettik mekemeler men quzyrly organdarǵa jáne satyp alý salasyndaǵy kvazımemlekettik sektorlar tarapyna baǵyttalǵan. «Tutastaı alǵanda, aǵymdaǵy jyldyń qorytyndysy boıynsha 730 mln. teńge somasyn quraıtyn kásipkerler quqyǵy qorǵalǵan. «Jol kartasy-2020» baǵdarlamasyn júzege asyrý aıasynda jyl basynan beri kásipkerlerge 2 505 qyzmet usynylyp, 1554 shaǵyn jáne orta bıznes nysandaryna qoldaý kórsetilgen. Sonyń ishinde 68 bıznes-jospar jáne marketıngtik strategııa, 352 salyq jáne statıstıkalyq esep aıyrysý, 37 kompanııa menedjment júıesine oqytýdan ótse, 563-ne quqyqtyq keńes berilgen, sondaı-aq 112 veb-saıt jáne ǵalamtor paraqshasy jasalyp, 53 kompanııa satyp alý júıesiniń elektrondyq bazasyna qosyldy», - delingen baspasóz baıanynda. Syrtqy ekonomıkalyq qyzmetti nyǵaıtý barysynda Palata Chehııa, Vengrııa, Japonııa, Avstrııa, Polsha, Horvatııa, Germanııa, BAE, Ýkraına, Reseı, Túrkııa memleketteriniń iskerlik delegatsııalarynyń qatysýymen 18 bıznes forým uıymdastyrdy. Halyqaralyq delegatsııalardyń qatysýymen Vengrııa, Portýgalııa, Qytaı, Reseı, Bahreın, Túrkııa, Italııa, Latvııa elderine 16 sheteldik bıznes-mıssııa júzege asyp, oǵan 130 elordalyq kásiporyn qatysqan. Sondaı-aq, elordaǵa ınvestıtsııa tartý nátıjesinde jeńil ónerkásip, mashına jasaý, tamaq ónerkásibi, ınnovatsııa salasynda 7 birlesken kásiporyn quryldy. Barlyǵy 29 mln. AQSh dollaryn quraıtyn 60 kelisim shartqa qol qoıylǵan. «Palata qyzmetiniń keler jyldyq strategııalyq jospary bıznes qaýymdastyǵynyń usynǵan kókeıkesti pikirlerin eskere otyryp, qurylmaq. Bul quzyrly organdarmen kásipkerler arasyndaǵy keleli máselelerdiń sheshýin tabatyn jańa, ári ońtaıly ádis. Bizdiń basty jáne buljymas talabymyz - ashyqtyq, ári qoljetimdilik. Sondyqtan, biz árdaıym kásipkerlermen keri baılanys ornatyp, sózden iske kóshý qaǵıdasyn ustanamyz», - dedi sóz sońynda Astana qalasy kásipkerler palatasynyń dırektory Ǵanı Tasmaǵanbetov.