Bıyl Astana, Almaty jáne Aqtóbede energııa tıimdilik ortalyqtarynyń qurylysy aıaqtalady
ASTANA. 27 tamyz. QazAqparat - Bıyl Astana, Almaty jáne Aqtóbede energııa tıimdilik ortalyqtarynyń qurylysy aıaqtalady. Bul týraly búgin Úkimet otyrysynda QR Óńirlik damý birinshi vıtse-mınıstri Qaıyrbek Óskenbaev málim etti.
«Memleket basshysynyń tapsyrmasy boıynsha energııa únemdeıtin jáne energııa tıimdi tehnologııalar men materıaldardy kórsetý jáne alǵa jyljytý úshin alań qurý maqsatynda Astana, Almaty jáne Aqtóbe qalalarynda úsh energııa tıimdilik ortalyqtaryn qurý isi júrgizilip jatyr»,-dedi ol.
Birinshi vıtse-mınıstrdiń atap ótýinshe, energııa tıimdilik ortalyqtary ınnovatsııalyq energııa resýrstaryn únemdeý tehnologııalaryn nasıhattaý jáne engizý, energııa tıimdilik tehnologııalaryn kommertsııalaý, energııa tıimdilik tehnologııa salasynda konsaltıngpen oqytý, ınnovatsııalyq energııa tıimdilik tehnologııalary qural-jabdyqtary men materıaldary kórmesin turaqty ótkizý syndy baǵyttardaǵy jumystardy júzege asyratyn bolady.
«Qurylys jumystary aǵymdaǵy jyly aıaqtalyp, paıdalanýǵa berilýi josparlanǵan», - dedi Q. Óskenbaev.
