Bıyl «ArselorMıttal Temirtaý» shahtalarynda qaýipsizdik júıesiniń jańa tásili engizilmek
ASTANA. QazAqparat - Bıyl «ArselorMıttal Temirtaý» shahtalarynda qaýipsizdik júıesiniń jańa tásili engizilmek, dep habarlaıdy Qaraǵandy oblysy ákimdiginiń baspasóz qyzmeti.
Baspasóz málimetterine qaraǵanda, «ArselorMıttal Temirtaýda» jańa qaýipsizdik júıeleri óndiristik jaraqattar men qaıǵyly jaǵdaılardy boldyrmaý úshin engiziledi. Kenshiler kamera, dınamıka, ottek jáne metan qurylǵylarymen jabdyqtalady.
Eki qurylyǵy shamǵa, taǵy ekeýi akkýmýlıatorǵa ornatylady. Sondaı-aq shamǵa beınekamera men dınamık ornatylady. Osylaısha, dıspetcher jer astyndaǵy jumystardyń qalaı júrip jatqanyn jáne metan deńgeıin baqylaı alady. Eger kenshilerdiń biri 15 mınýttan artyq qozǵalmasa, onda birden dabylqaqqysh qurylǵy iske qosylady.
«Biz osy júıeni daıyndaǵan Sibirdegi SÝEK kompanııasy arnaıy bardyq. Bıylǵy jyly biz bul júıeni shahtalarymyzdyń birinde, kelesi jyly taǵy ekeýinde engizemiz. Osylaısha, 3-4 jyldan soń, meniń oıymsha barlyq segiz shahtada osy qaýipsizdik júıesi jumys jasaıtyn bolady»,-dep túsindirdi «ArselorMıttal Temirtaý» kompanııasynyń atqarýshy dırektory Vadım Basın.
