Bıyl «Araltuz» Qytaı naryǵyna shyǵady
2017 jyly Araldyń tuzy Ázerbaıjan men Grýzııaǵa eksporttala bastady. Sonymen qatar, 2018 jyly «Araltuz"»AQ alǵash ret ýkraın naryǵyna 462 tonna tuz jóneltti. Al 2019 jyly taýar kólemin Ýkraınaǵa 3 esege, al reseılik naryqqa jóneltiletin ónim kólemin 20% arttyrý josparlanyp otyr.
«Qazirgi tańda «Araltuz» AQ óz óniminiń 65% shetelge shyǵarady, sońǵy 3 jylda Reseı naryǵynyń 13% jaýlap alsa, Qyrǵyzstandaǵy úlesi 50% quraıdy. 2017 jyly Araldyń tuzy Ázerbaıjan men Grýzııaǵa eksporttala bastady. Aldaǵy ýaqytta taýar ótkizý naryǵyn keńeıtýdi, al 2019 jyldan bastap Qytaı naryǵyna shyǵýdy josparlap otyrmyz», - dep málim etti «Araltuz» AQ dırektorlar keńesiniń tóraǵasy Dáýren Muqashev.
Indýstrııalandyrý kartasy aıasynda kásiporynda tuz shyǵaratyn ıspandyq 2 tseh iske qosyldy. Zaýyttyń qaıta jańǵyrtylýy eńbek ónimdiligin eki esege arttyryp, 1200-den astam adamdy jumyspen qamtýǵa, qyzmetkerlerdiń jalaqysyn 60 paıyzǵa deıin arttyryp, ónimniń ózindik qunyn 40 paıyzǵa tómendetýge múmkindik berdi. Ústimizdegi jyldyń qańtar aıynan bastap Qazaqstan Respýblıkasy Tuńǵysh Prezıdentiniń tapsyrmalaryn oryndaý maqsatynda jumysshylardyń basym bóliginiń jalaqysy 26% artty.
