Bıyl araq pen temekini zańsyz satý boıynsha 3 myńǵa jýyq quqyq buzýshylyq anyqtaldy - ІІM
ASTANA. 20 qarasha. QazAqparat - Bıyl alkogol ishimdikterin satý boıynsha 1,6 myńnan astam, al temeki ónimderin satýmen baılanysty 1,2 myń quqyq buzýshylyq anyqtaldy. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Іshki ister mınıstriniń birinshi orynbasary Marat Demeýov aıtty.
Onyń aıtýynsha, qylmysqa «nóldik tózimdilikti» qalyptastyrý aıasynda QR ІІM «Nur Otan» HDP-symen birlese otyryp, «STOP Qylmys» aktsııasyn ótkizdi. «Jas Otan» Jastar qanatymen birlese otyryp, kámeletke jasy tolmaǵandarǵa alkogol men temeki satý faktileri anyqtaldy, mektepterde kúshpen aqshany tartyp alýdy toqtatýǵa baǵyttalǵan reıdter, «Saq bol, jaıaý júrginshi», «Túngi qaladaǵy balalar», t.b. aktsııalar júrgizildi.
