Bıyl AÓK-te 40 ınvestıtsııalyq joba júzege asyrylady

NUR-SULTAN. QazAqparat – 2021 jyly agroónerkásip kesheninde jalpy somasy 126 mlrd teńge bolatyn 40 joba iske asyrylady. Bul týraly Úkimettiń keńeıtilgen otyrysynda Premer-Mınıstr Asqar Mamın aıtty, dep habarlaıdy QazAqparat tilshisi.

Agroónerkásip kesheninde et, jemis-jıdek, kókónis, qant, sút ónimderi, astyq, maıly daqyldardy óndirý jáne qaıta óńdeýdi qamtıtyn, jalpy somasy 1 trln 200mlrd teńge bolatyn 7 iri ekojúıe qurý boıynsha belsnedi jumys júrgiziledi. 2021 jyly jalpy somasy 126 mlrd teńgeni quraıtyn 40 ınvestıtsııalyq joba júzege asyrý úshin iske qosylady», - dedi Asqar Mamın.

Onyń aıtýynsha, bıyl júzege asyrylatyn jobalardyń qatarynda et, sút óndirý jáne qaıta óńdeý, astyq jáne maıly daqyldardy tereń óńdeý, sondaı-aq jemis-júıdek, kókónis jáne qant óndirý bar.

«Sýbsıdııalaý júıesi ashyq ári ataýly bolyp, qarsy mindettemelerdi qamtamasyz etý monıtorıngilenedi. Agroónerkásip kesheni salasynyń kapıtal qamtymdylyǵyn arttyrý boıynsha jumystar aıasynda 2021 jyly aýyl sharýashylyǵy tehnıkalarynsatyp alý kólemi 6 paıyzǵa, mıneraldy tyńaıtqyshtar qoldaný 10 paıyzǵa, joǵary sapaly tuqym satyp alý 5 paıyzǵa arttyrylatyn bolady», - dedi Úkimet basshysy.